تعالا خد كشكولك...

الوقت... تقريبا كده كان شهر اربعة, لما السنة قربت تخلص ( السنة الدراسية طبعا), المكان.. كان في مدرسة إعدادي, وتحديدا كان في فصل من الفصول
العيال قاعدين زي كل يوم , بيرغوا ويلعبوا ولا هاممهم, أصل المدرسة عندهم مبقيتش مذاكرة وجد واجتهاد.. لااااء, دي بقت لعب ودلع وحاجات تانية

كانت حصة العربي, وكانت المس( المدرسة يعني) مديالهم واجب يعملوه وكانت قاعدة بتصحح الكشاكيل

طبعا أنتم فاهمين الطلاب اليومين دول, نصهم مبيعملش الواجب, والنص التاني بيعمله أي كلام, مش بيهمه قوي إنه يعمله كويس, مبتفرقش معاهم الدرجات والتميز والتفوق والكلام اللي مايأكلش عيش ده, هم يعني يوم مايعملوا الواجب, بيعملوه عشان الأبلة ماتزعقش, عشان مايتسئلوش عنه.. تكبير دماغ يعني مش أكتر

أخينا كان قاعد (زي ماحكينا في بداية الحكاية) وفجأة, المس ندهت اسمه... بس هو استغرب ( أصلها في العادي بتسيب العيال يرغوا في الفصل براحتهم , مش بتخنق على حد)... قامت بصيتله وقالت: "تعالا خد كشكولك"

الغريبة إن ملامح وشها كانت جد جدا, شكلها كده متضايق, والولد حس بمشكلة

من سكات قالها حاضر, بس هو كان جواه خايف.. وهو رايح لها قعد يفكر بينه وبين نفسه: يا ترى هي عايزاني ليه!!, مالها!!.... يانهاري!!.. أكيد هتخانقني على الهامش اللي دايما تقوللي أعمله على يمين الصفحة وانا بطنش عشان بزهق من التسطير.... ياخبر لو هتخانقني إني كتبت بالأحمر في الكشكول مع إنها دايما تقوللنا اكتبوا بالأزرق بس!! يا خراشي لو خدت بالها من بقعة الصلصة اللي وقعت على الكشكول وانا باكل مكرونة عليه امبارح!!!.. ربنا يستر....لأ ده ان شاء الله خير, أكيد هتمدح فيا عشان أنا عملت الواجب كويس ( أو بمعنى أصح, اخويا الكبير عملهولي كويس) خير ان شاء الله خير, أنا مطمن ومش هشيل هم, هي أصلا بتحبني يعني, بس ربنا يستر على التكشيرة اللي في وشها دي!!

اخينا وصل لحد عندها عشان ياخد الكشكول... يا ترى, تفتكروا قالتله إيه؟؟؟

قصتي خلاص خلصت

القصة إننا قاعدين في الدنيا اللي هي أساسا مرحلة "إعدادي" للمكان اللي هنكون فيه في الاخرة.. وناس كتير قاعدين ساهيين ولا على بالهم

القصة إننا بنعمل الفروض اللي ربنا فرضها علينا ( لو عملناها) تأدية واجب, عشان ربنا مايحاسبناش عليها يوم القيامة وخلاص, وقليل اللي بيهتم مش بس إنه يدخل الجنة, لأ كمان يعلى فيها درجات ودرجات ويبقى في فصل المتفوقين

القصة إن كل واحد فينا عارف كويس ذنوبه,عارف الصح من الغلط, عارف هو مقصر في إيه, وإيه الفرض اللي كان بيعمله وسابه أو بطل يعمله, وإيه الحق اللي عليه ومش بيأديه.. عارف كويس قوي إيه الحاجة اللي خايف إن ربنا يسأله عنها يوم القيامة قدام البشر كلهم ومايكونش مجهزلها إجابة

القصة, إن ناس كتير مابتحطش ال"هامش" اللي ربنا قال عليه, وكشاكلهم فيها "خطوط حمراء" كتير, ومليانة "بقع" في كل حتة

القصة إن ناس كتير, رغم إنها عارفة كويس قوي ذنوبها, إلا إنها معتمدة زيادة حبتين على كرم ربنا ورحمته, مش مستوعبين إن ربنا الرحيم هو نفسه ربنا اللي امرنا إننا نعمل ده ونبعد عن ده وقالنا إننا هتحاسب على كل حاجة

القصة, إن طول ما الناس شايفة إنها مش بتتسئل, والنعم حواليها من كل حتة, نسيوا تماما إن هييجي يوم تتسئل عن كشاكلها (أو اجنداتها لو فاكرين حكاية اجندة كل سنة)


القصة, إن ناس كتير قوي فرحانة بحياتها, وفاكرة إن اللي عملته كفاية قوي, مع إنه ممكن يكون مش كفاية, وممكن قوي يكون من غير نية لوجه الله

القصة, إن الناس دي, مش بتهتم بدرجاتها, مش بتهتم بالتقديرات, مع إن في حقيقة غايبة عنهم.. إن الدرجات دي لو ماكفتش, محدش هيعيد السنة

رمضان فرصة عظيمة نستغلها, نعمل الواجب, ونزود حبة, ونجيب تقدير.. ولما اسمنا يتنده قدام بقيت الفصل, ويتقاللنا "تعالا خد كشكولك"... ناخد كشكولنا واحنا مطمنين, عاملين الواجب وزيادة, ومش مكسوفين إن نبينا محمد صلى الله عليه وسلم هيشوفه كمان وهنتسئل قدامه

"حاسبوا أنفسكم قبل أن تحاسبوا"

كل سنة وأنتم طيبين :)

Grey's Anatomy..

Ok, i think the title is clear enough, i'm talking about "Grey' Anatomy" series.

Of course I wont tell you the story, most of you -if not all- have been watching it. But i'll be telling you the story of me with Grey's Anatomy.

The first episodes i started watching - I dont remember which season, most probably 3- were when George O’Malley proposed to Callie, and Burke proposed to Cristina, and that was the start.

What i liked about Grey's Anatomy was how these Drs work hard for the patients, and the different stories that i really used to sympathize with, the complicated combination of emotions that the heroes had, and the nice quotes and lessons learnt that Meredith used to end each episode with.

When the next season started, with that horrible Dr that Callie became friends with, and the stupid strange "interests" they started to have together in addition to her adventures with Sloan.
I started to feel that this is not really good, why am i watching it!!, I'm not learning from the moral situations anymore, i'm not enjoying it. Not only Callie’s stupid part made me hate it, but the rest of the characters' stories were getting boring and i felt that they all had physiological problems that they were not be having if they Only were Muslims!

Before this bad feeling towards "Grey's Anatomy" reached the peek, i was in a lovely gathering with a beautiful group of girls who named them selves "The Green Muslims" and regularly had religious spiritual meetings that i really adore.

This particular gathering was to meet with a convert, "Raya" who was telling us her story with Islam and how great this religion is.
One of the phrases that she said that deeply touched my heart was: "You have to know, that if you want to get close to Allaah, Allah will test you, and he'll test you hard!".. being close to Allaah is not only a wish...

She also said: "your day is already divided between eating, sleeping, working, praying, watching TV, chatting online, etc.... and you want to add to the day a program to get closer to Allah by reading Quraan, praying more or doing more good deeds, but you do not think of quitting any of the activities in the life style that you are accustomed to. Simply, your day wont be enough, your 24 hours are already consumed by the things you already do.. if you want to add some thing to be closer to Allaah, you have to free some space in your day for that. And freeing space means quitting one or more of the things you are doing.. each of you can have a look right now on how your day is spent, and see and decide which part you will leave or free for Allaah"

Ok, now what!!, is this why whenever i want to be better i always screw up?, because "implicitly" i'm telling Allaah "I have no time for you" -asta3'firu Allaah-.. i decided instantly to quit something i do in my day, to free a space and most importantly to purify my heart...

I thought about my day while she was talking and said to my self: "I'll quit watching Grey's Anatomy".. then i raised my hand, and said it loudly in front of every body, i raised my hand and said: "I'll quit watching Grey's Anatomy".

All this story was to tell you that Al7amdulillaaaah, since i stopped watching it, i had a great and awesome chance to join a Quran class that i didnt plan to, I'm learning Tajweed nowadays.. i can not describe how great this Quraan is, how relieved i feel now.. I love it.

I learnt something from this experience, that you can picture your self as a ring carried on a robe, one end is the Qur2aan and the other is songs and what we call "fann".. the closer you are to Quraan makes you definitely -without any effort- away from songs and other meaningless stuff and vise versa... You feel higher than what all other people are busy with, you think like "how silly" these songs or TV shows are, regardless seeing them Halal or Haram, you just see them useless.

This is something that I've experienced my self and learnt, and i really wish you all to feel how sweet the Quraan is, and how lovely it feels reading it, and how great you are when you are closer, closer and closer.

Free a space (Ramadan is a chance, take it, and stick to it even after Ramadan)

Koll sana wento tayyebeen :) :)

...اجندة كل سنة

السنة دي بقى قرر ميعملش زي كل مرة, أصله كل سنة بيعمل إيه؟, قبل السنة ماتخلص, بيشتري اجندة جديدة بتاعت السنة الجديدة, ويقول في نفسه, لأ السنة دي إن شاء الله مش هكسل.. أصله بيحب يكتب مذكرات, وكل سنة بيقول في عقل باله, أنا نفسي أجيب اجندة, أدون في كل صفحة بتاعت اليوم الحاجات اللي بتحصل في اليوم ده, عشان اعمل أكبر مجموعة ذكريات ومانساش أي حاجة اتعلمتها في أي يوم من حياتي

المهم إنه كل سنة يشتري الاجندة الجديدة, و تن تن تااااااااااااااان, مبيكتبش أي حاجة,

يمكن لو كان بيكتب مذاكرته واحداث كل يوم بيومه, يمكن ماكانش غلط كتير, كان اتعلم من الحاجات اللي كتبها, وكان فرح بإحساسه إنه لما يحب يفتكر أي حاجة حلوة, هيلاقيها أكيد في الاجندة بتاعته.. اجندة السنة

للأسف, كل الاجندات الفاضية بتاعت السنين اللي فاتت كانت بتضيع منه, ومبيعرفش يجيبها تاني, ماتفهمش عفريت بيخفيها ولا إيه!!... المهم انه مش بيعرف يجيبها تاني ,بالتالي مبيقدرش لا يجملها ولا يزينها أو حتى يمسح اللي فيها بالمرة عشان يستخدمها للسنة الجاية مادام هي كده كده ماتكتبش فيها حاجة تقريبا, مبيقدرش عشان هي بمنتهى البساطة: بح

السنة دي بقى غير كل سنة, هو قرر فعلا ومش هزار, ومتحمس آخر تلات أرْبع حاجات.. هيجيب اجندة جديدة, اجندة شكلها حلو عشان يحبها, وهيحرص قوي على إيه اللي هيكتبه فيها, عايزها تبقى كلها حاجات مبهجة, حاجات لو في يوم كان مخنوق, وفتح الاجندة, يقرا اللي فيها وهو سعيد بالكلام اللي كان كاتبه زمان وكان تقريبا ناسيه والاجندة هي اللي فكرته.. هيحرص إن حياته فعلا تتغير السنة دي.. هيحرص إن الاجندة دي تبقى محور حياته واهتمامه.. لانه زي ماقلتلكو, هو أصلا بيحبب الكتابة, غير كده, صاحبنا بيفكر لبعييد, بيفكر في ولاده اللي لسة لحد دلوقتي في علم الغيب, بيتخيل لو الاجندة دي وقعت في ايد حد فيهم, فعايز إن كل كلمة فيها تكون حاجة تشرف وتفرح, مايكونش فيها أي حاجة يخجل إن اولاده يشوفوها... وعشان هو هيكتب في الاجندة دي الحاجات اللي بتحصل في يومه, فـهو قرر إنه مش هيعمل في يومه غير الحاجات اللي تفرح أو تشرف وترفع راسه لما أجندته في يوم من الايام تتقري

بس خلاص

اضيف لمعلومات سيادتكم الآتي:

1) الليلة دي أول ليلة في السنة الجديدة :)

2)اجندة السنة اللي فاتت طلعت عند ربنا خلاص ( أصل كل سنة, في ليلة النصف من شعبان, الاعمال بتاعت السنة بتعرض على الله)

3)الاجندة بتتوزع مجانا كل سنة زي الليلة دي, كل واحد فيكم عنده 2 كمان مش واحدة, ( لو بصيت على كتافك, هتلاقي واحدة على اليمين والتانية على الشمال, واللي على اليمين هي اللي تهمنا)

4)ميزة الاجندة دي حاجة حلوة قوي, إن طول ماهية على كتفك, أو حتى لو طلعت عند ربنا, تقدر تمسح الحاجات الوحشة اللي فيها, صدقة بقى واستغفار وصيام عرفة والحركات دي, مش زي ماكان صاحبنا فاهم :)

5) اللي فيكم لسة عارف دلوقتي موضوع الاجندة ده, حتى لو بعد ماتوزعت بكام يوم, مش مشكلة, يقدر يقطع أول كام صفحة ويبتدي من أول ماعرف.. أصل الاستغفار والتوبة دول ليهم العجب

6) اللي هيشوف الاجندات بتوعك مش بس عيالك, دي البشرية كلها, العالمين يعني, وفي يوم مش هتكون عايز غير فعلا إنك تشوف في الاجندة حاجة تفرح أو تشرف أو ترفع راسك لفوق

خلي ربنا راضي عنك, وابدا سنة جديدة في حياتك, باجندة جميلة تحب تشوفها يوم القيامة, وكفاية قوي الكلام اللي اتكتب في الاجندات القديمة.. واللي إنت فعلا خايف إن البشرية كلها تعرفه يوم القيامة..

ليلة النصف من شعبان, سنة جديدة, اجندة جديدة..

وكل اجندة وأنتم طيبين :)